البارحه مابيـن وشلـون يمديـك
في يوم واحـد ياحبيبـي تغيّـرت
الليـل خلانـي وخـلا طواريـك
تلعب بقلبي كـل ماداخلـي ثـرت
سويت شين حدني غصب ماجيـك
والا قبـل لاسيـر الليـل سيـرت
هدمت كل اللـي بنيـت بتجافيـك
هدمـت لا والله بالعـون دمـرت
خليتني ماقلت لي شلـون اخليـك
ليتك بحالي قبل مارحـت ناظـرت
الله كريم يصبـر اشـواق مغليـك
لاقـام ينثرنـي غـلاك وتناثـرت
والله يسامح قلبي اللـي مواليـك
اخذت كل اللي تبي منـه وانكـرت
منهار جيت العام تسبق خطاويـك
واليوم ماكنك قبل جيـت وانهـرت
في ذمتك لامن تذكـرت ماضيـك
من يطري في بالك اليامن تذكرت ؟
من كثر مافكرت وشلون اراضيـك
وياك في نفسي ولا يـوم فكـرت
على كثر ماكنـت متمسكـن فيـك
وعلى كثر ماحتجتنـي ماتعـذرت
جيتك وعندي حاجتن بين اياديـك
والمشكله تقدر عليهـا وقصـرت
رح بشر اللي ملتفت لـك يناديـك
قلـه تركتـه لخاطـرك ماتأخـرت
صدقني انها غلطتي يـوم اداريـك
ولا انت لولا غلطتي كان ماصرت
كبرتـك بعيـن البعيـد وحواليـك
ابيـك تكبـر والمصيبـه تكبـرت
حاولت اغيّر فيك من كثر مغليـك
قـدرت لكنـك علـيّـه تغـيّـرت
السبت يوليو 31, 2010 12:54 pm